مـاسْ اليـلـْمـَعْ ..ياالفـَـيـروزْ/ ميسون نعيم الرّومي
يـانـاكــرْ حـَــقْ التــَعـبـيـرْ - بالمـَسـأوليـة اشـْـلونْ اتـصـيـرْ
ألفْ لامْ المـَبـادئ..مـنْ زَمـان الفـاتْ
عـَلمـونـَه الأهـَـلْ والعـمـّه والخـالاتْ
نـنـسـاهـَه النـَفـسْ نـتـْنـَكــَرلهـه الذاتْ
تـحـْرفْ بـالتـَطـْبـيـقْ..ايـصـيـرْ ؟- يـانـاكــرْ حـَــقْ التــَعـبـيـرْ
****
سـَلمـوكْ أمـانـَه اوتـحـْتـارْ ؟
إمشــي عـَدلْ يـامـخـْـتـارْ
نـحـچـي العـَدلْ مـنْ ازغـارْ
مـيـزانـَكْ لو خـَفْ اتـْطـيـرْ – بالمـَسـأوليـة اشـْلونْ اتـصـيـرْ
****
كــُلْ امـدَعـْبـَـلْ گـالـَوْ جـوزْ
مـاسْ اليـلـْمـَعْ ..يافـَـيـروزْ
صارْ ادْوانـَـه الكـالبـْـتـوزْ
تـحـْـكـمْ ياوَسـْـفـَه ابـْـتـَـقـصيـرْ - يـانـاكــرْ حـَــقْ التــَعـبـيـرْ
****
هالريـشـَه إبـمـَهـَبْ الريـحْ خـَلونـَه
نـكـسـرْ بـالبـَعـضْ والبـَعـضْ عـَلمـونـَه
عـلى دّربْ العـَوَجْ چـا ليـَشْ دَلـّونـَه ؟
صـايـرْ ثـَقـافـَه التـَطـبـيـرْ– بالمـَسـأوليـة اشـْلونْ اتـصـيـرْ
****
أگـعـدْ عـَوَجْ إحـْچـي عـَدلْ
مـنْ الحـِكــَمْ هـذا المـَـثــَـلْ
باچــرْ قـَريــبْ اوتـنـسـألْ
يـدّعـي العـِفـَّه اوعـنـدّه ضـَمـيـرْ- يـانـاكــرْ حـَــقْ التــَعـبـيـرْ
****
تـهـْنـَه ابـهـالزَمـَنْ خـو تـهـْنـَه
عـَولــَمـَه اوگــُلنـَه وافـْرَحـْنـَه
مـَــدْري صـُـدگْ لو مـِحـْـنـَــه
مـودَه اوهـالصـارْ التـَكـْفـيـرْ – بالمـَسـأوليـة اشـْـلونْ اتـصـيـرْ
****
مـاكـوْ عـلـمْ مـاكـوْ فـهـمْ
والصـوچْ مـنـكْ يـا قـَلــَمْ
كــُلمـَنْ يـجي صايـرْعـَلــَمْ
مـَتـْگــُلي ليـَشْ التـَزويـرْ - يـانـاكــرْ حـَــقْ التــَعـبـيـرْ
****
مـنْ الزلمْ ظــَلْ الأسـمْ
عـَفـْيـَه عـَليـنـه والنـعـمْ
مـَبـروكْ وانـْبـاعـَتْ ذمـَمْ
گــَيـْروْ تـاريـخـَكْ بـالگـيـرْ – بالمـَسـأوليـة اشـْـلونْ اتـصـيـرْ
****
تـَبـاً يا لـَـــكَ مـــنْ إنـســــانْ
يـتـْلبـسـَه إيـسـكــْنـَه الشـيـطـانْ
بـَهـْـلــَه اويـنـْهـَـشْ والجـيـرانْ
چـان او چـان ..اوگـامْ إيـديـرْ- يـانـاكــرْ حـَــقْ التــَعـبـيـرْ
****
إلـْبـَسْ عـَدْلـّهـه البـيـَريـَّه
غـَيـرْ جـلدّكْ وانـْتَ الحـَيـَّه
قـَشـْمـَرْ يـرْگـصْ چـوبـيـَّه
غـَمـَْكْ يـا وَكـْتْ التـَبـعـيـرْ – بالمـَسـأوليـَة اشـْلونْ اتـصـيـرْ
****
كانون الثاني / 2014