بَــذاتْ مـالك تـالي / ميسـون نـعيم الرّومي

بَــذاتْ مـالك تـالي / ميسـون نـعيم الرّومي

شعر غنائي

بـَذ ّاتْ مالـَكْ تـالي ـ تـِتـْشـَفـَّه وَيْ عـذاليْ

لـَجـْلـَك خـلـَصْ كـل العـمرْـ  تـالي اطـْلـَعـِتْ كـَتـَاليْ

بذات ماعـندك ذات

شمـتت بيَّ الشـمات

ياما اتـْعـَبـِتْ واتـْمـَرْمـَرتْ ـ  ظـَنـْيـتـَكْ انـْتَ الواليْ

بـذات مـالك تـالي

**********

مـنـَّكْ چـثـيـر اتـْلـَوَعـِتْ ـ تـِشـْهـَدْ عـَلـَيـَه الـْياليْ

الروحْ لجـْلـَكْ رَخـَصِتْ ـ إنـْتَ الوفـَه حـَسْـبالي

ياللوعتــني ابلا سبب

مـنـّـك شـفت كل العـجب

تـِمـْشـيْ ابـْغـَنـِجْ عـَني اتـِصدْ ـ وانـْتَ العـَزيـزْ الغاليْ

بـذات مالك تـالي

**********

صيـَفْ انـْگـِضـَه اوجـانـَه الشـِتـَه ـ وَاوَلـْهـَه مـِثـلْ الــتاليْ

مـَتـْدگـليْ شـِنـْهـيْ اشـْحـَصَلـِتْ ـ عـَـفـْيـَه اوأَلـِفْ هـِنـْيـاليْ

هنيال كلمن حبـك

يـاوردَه كلهـه اتشـمـَّك

تـوعـِدْ اوتـِخـلـِفْ بالعـَجـَلْ ـ چـَذ ّابْ مالـَكْ تالـيْ

***********

لـلعـِشـْرَه كـلهـَه هـَم ْخـِنـِتْ ـ وَاسـْـفـَلـْهـَه صارْ العاليْ

وانـْتَ ولاچـَنـَّـكْ أَبـَد ـ  يـاحـالْ إبـْچـيْ ابحـاليْ

ياللــّوعتني امن الزغـر

دومـك امـعلـّـم عَ الهـجـر

مـا تـِخـْجـَل ولاتـِسـْـتـحـيْ ـ شـَحـچـي اوشـَگولْ اشـْجـاليْ

بـَذ ّاتْ مالـَكْ تـالي ـ  تـِتـْشـَفـَّه وَيْ عـذاليْ

ـــــــــــــــــــــــــــــــــــــــــــــــــــــــــــ

2014 / كانون الثاني

ســـــــــتوكهولم