نــَـعــَـــم ... نـَـعـــَـــم / ميـسون نعيم الـرّومـي

نــَـعــَـــم ... نـَـعـــَـــم / ميـسون نعيم الـرّومـي

نـَعـَم نـعـَم

بـيـهـه سـحـرْ بـيـهـه نـَـغـَمْ

نـَعـَم نـعـَم

بـيـهـه رعـبْ تـحـبـط ْهـِمـمْ

نـَعـَم نـعـَم

 طـرْگـاعـَه جـَـتـْنـَه يا نـَعـَمْ

نـَـكــْسـَتْ عگـلْ ذلــَّتْ زلـمْ

 گـولـَة نـَعـَمْ

ســـوَّتْ بـَــلاوي هالنـَعـَــمْ

راحْ العـلــمْ مــاتْ الفـهـــمْ

نـامْ العـَـقـلْ ســابْ الجـسـمْ

يا وَسـْـفـَـه گـالتـْهـَـه الزلـمْ

النـونْ خــو تـعـْـنـي نـــدَمْ

والغـيـنْ يـَعـْني هـَمْ حـزن ْ

هالغـَـمـنـَه غـَمْ

والمـيـمْ شـكـبانْ المصايـبْ

  بـي نـلـمْ
نـَعـَم ... نـعـَم

***

نـَعـَم نـعـَم

حـكـامْ وصْـلـَتْ للشَــمـسْ

جـَلادْ يـحـْمـسْ بالشَـعـَـبْ

يـحـْمـسْ يـحـْمـسْ

چـَنـَّه الشَـعـَبْ ناسـي الدَرسْ

اليـومْ بـاچــــرْ مـثــــلْ أمـسْ

صوتـَه انـْبـلـَعْ صايـرْ هـَمـسْ

مـِنْ نـَظـْرَه يـشـردْ هـَم ْيـِنـسْ

يـبـْـلـَعْ إبـْضيـمـه اوما يـحـسْ

مـِنْ اللطــمْ راسـَــه انـْهـلـسْ

حـَطـْمـوْ بـَلـَدْ هـلسـوه هـَـلـسْ

مـِـنْ الـنـِعـَــمْ كـنـْسـوه كــَنـسْ

ضاعْ الـنـَـفـط ْماظـَـلْ فـلـسْ

باعــوه ... أصْحـابْ الذمـَـمْ
نـَعـَم ... نـعـَم

***

لسْـنـيـنْ تـمـْشـي اوهالـتـمـرْ

كـلْ يـومْ نـبـْدي امـنْ الصفـرْ

ماكــو نـِفـاهـَـه اوبـَسْ فـگــرْ

نـشــْـرَبْ دَمــعْ كـل الـعـمـــرْ

يـومْ اليـفـوتْ اوچـَـنْ شـَـهـَـرْ

يا عـيـشـَـه سـودَه إمـنْ الزغـرْ

مـُـتــْعـَـه الزَواجْ إبـْـلا مـَهــَـــرْ

فـَـدْ سـاعـَـه واكــْـثـَـرهـَه شـَهـَرْ

هـَـمْ الله يـقـْبـَـلْ يـابـَشـَــــرْ

هـاذي حـكـومـَـه لـو قـَـهـَـرْ

هـذا تــَديــــن لـوكــُـفـــرْ

والـديـنْ صــايـر بـَس لـطـُمْ
نـَعـَم ... نـعـَم

***

نـمـْشـي صَـفـحْ نـرْجـَعْ وَرَه

صـرْنـَـه يـَـعـالــَم ْمـَسـْـخـَرَه

شــنـْهـي شـجـانـَـه واشـْجـَـرَه

فـوگْ الـْـمـَـرَه اخــْـذوْ مـَـــره

وصـفـَــوْ حـچـهـَــه ثــَرثــَرَه
سـمـّوهَـه حـُرمـَه اوقـَـشــمَـرَه
عَ المـَـرأه صـايــرْ عـَـنـْـتــَرَه

يــتـْعـَـنـْتــَكْ ابـكـل عـَفـْـتــَـرَه

يـجـْمـَـعْ افـلوسـَـه ابـْسـَـمْـسَرَه
طرطـره اوطـرْطـرْ طـَرطـرَه

والـمرأة أحْـلــَه الجـوهـــَرَه
ظـلـمـوهـَه ... مـَظـْـلومـَه ظلم ْ
نـَعـَم ... نـعـَم

***

نـَعـَم نـعـَم

كـلهه وجـَـعْ كـلهـَـه شــَجـَـــنْ

ربـْدَتْ شـَعـَبْ قـَسـْمـَتْ وَطــَنْ

بالـكـرسي يـحـفـرْ.. يــنـْدفِــــنْ

غـَـيـْرَتْ قـِـيـَمْ صاغــَتْ مـِحـَنْ

لـعـْبـَـتْ لـعـبْ گـلبـَــتْ زمَــــنْ

هـاي الـنـَعَــــمْ تـرْطـنْ رَطـــنْ
بــيــَعْ المـَحـابـسْ تـِـمـْـتـِـهـِــــنْ
عِ الباتـْــري اومـاتــنـْشـحــــــنْ
بـالـرَحـّـــه شـَـعـْـبــَكْ يـنـْطـحـنْ

وايـصيــحْ فاليـَحـْيـا الـوَطـَـــــنْ
چـَـــمْ دوبْ بـــيـكــُمْ نـِمـْـتحـِـــنْ

بـَلـوَه ابـْتـلـيــَنـَه يـا نـَعـَــــــم

نـَعـَم نـعـَم ... فـدْوَه نـَعـَم

كافـي نـعـَـــــــم

كانون الثاني / 2014

ســـــــــــتوكهولم