شـنـهـي البـَعـَدْ ما سـَووه/ ميسون نعيم الرومي

شـنـهـي البـَعـَدْ ما سـَووه/  ميسون نعيم الرومي

كـلْ حـلو البـيـنـَه اوكـتـْـلوه ـ شـنـهـي البـَعـَدْ ما سـَـووه

امـصـايـبْ بـبـْلادي اوأشـكـالْ

بالشـارعْ أيـتام .. اطـْـــفـالْ

 بِـــيـهـمْ صـبـّاغ ْ اوحـَمـّالْ

امـجـَدّي اويـشـكي ابهـالحـال

حـافي او لابس نص انعال

گـلـنـه .. اهـوايـه المـايـنـگـال

ميـّـك يـدجـلـه اوسـَـمـّـوه

حـتـى الحـلمْ هـَمْ بـاعـوه  ـ بـاقي العـمـرْ هـَم ضـَيـعـوه

******

بـاعـوْ بالسوگْ ابـنـَيـاتْ

يـتـْوَسـلـَنْ ويلي ازغـَيـراتْ

يـبـْچـَنْ وايـجـرَّنْ حـَسـراتْ

مـاعـدْهـنْ والي ايـتـِــيـمـاتْ

لاخـالاتْ ... اولا عـَمـّاتْ

إنـْمـردَو .. بـالتـَفـجـيـراتْ

وســفـه ... العراق او دَمـروه

 والفـكـرْ صـاروْ يـشـروه ـ دَمـْـنـَه عـَزيـزْ اوطـَشْـروه

******

خـلـنه انـروح اونفـتـحْ فـال

بـيـدَه الرَبـط ْ.. قـيل اوقــال

 اشوكـت ... يـرْتـاحْ البـالْ؟

بـَلوَتـْنـَه اوعلى هـالمـنـْوالْ
بـينـَـه العـاطِـل والبـطـّـال

صــاير وزيــر الزبـّـال

كـلنـه انهـــلهِــل للجـابـوه

حتـى نـَفـطـنـَه بـاگــوه ـ ويـلي شـَعـَبـنـَه الجـَوعـوه

******

ظـلاّمْ ويـَنْ الخـَيـراتْ

افـلوسْ النـَفـط ْ لـوريـّـات

ذهـَبْ اوحـَمـلوه ابـكـاراتْ

نهــْـبـَـو اوتِرسـوْ قـاصاتْ

مـَتـروسـَه ابـنوگْ السـاداتْ

لنـدَنْ وامـْريـكـه .. اوجـاراتْ

 حـوبـات !!! ويـن الشـاراتْ ؟

لعـْراق كـلــَّه اسـبـايـاتْ

الـجـهـَـل عِـدنـه اونـشـروه

خـَرْبـو وطـَنـَّه اوهـجـْمـوه ـ جـوَّه الصـفـرْ هالخـَـلـوه

كـلْ حـلو البـيـنـَه اوكـتـْـلوه ـ شـنـهـي البـَعـَدْ ما سـَـووه

**********

شباط / 2014

ســــــــــتوكهولم