حـَـلــَّتْ عـَـليـنـَه الصَـدَقــَه / ميسون نعيم الرّومي
حـاكـمْ هـجـَمْ هـالدولـَه – مـَغـْسـولْ وجـْهـَه ابـولـَه -1
عـَـفـيـَه شـَـعـَــبْ .. مـظـْلومْ دومـَــه امـنْ المـَهـَــدْ
حـكـّامْ أبـَدْ مـاتـسـتـحـي ..عـاثـَتْ فـَسـادْ ابـهـالبـَلـَدْ
تـحـْلفْ اوتـقـْسـمْ تـلتـزمْ .. تـاليـهـَه واتـخـونْ العـَهـَدْ
يـظلمْ اوصـاتْ سـولـَه - حـاكـمْ هـجـَمْ هـالدولـَه
***
مـامـشْ خـَجـَلْ لامسـْـتـَحـَه ..لاذمـَّه ظــَلـَّتْ لا ضـَمـيـرْ
فـلوسْ الشـَعـَبْ مـَبـْيـوگــَه .. للأجـْنـَبـي كــُلهـَه اتـْصيـرْ
گـاعـدْ اولازگْ بالحـكـمْ .. حـالف مـَلكْ يـومْ ايـصـيـرْ
يـعـِبْ بـالبـَــــدْ جـولـَـــه – مـَغـْسـولْ وجـْهـَه ابـولـَه
***
صـرْنـَه يـَعـالـَمْ مـَسـخـَرَه .. حـَلــَّتْ عـَليـنـَه الصـَدَقـَه
لكـْويـَتْ تـبـْـنـي مـَدْرَسـَــه .. ذ َلــَّتْ بـَلـَدْنـَه الشـَفـَقـَـه -2
راحْ الوَطـَنْ كـُلـَّه انـْمـرَدْ .. فـدوَه لـعـْيـونـَه اوصـَدَقــَه
حـكـْمـَوْ عـَليـَه گالولـَه - حـاكـمْ هـجـَمْ هـالدولـَه
***
عـَمـْرَوْ هـالعـلــَّو كـُـلْ بـيـتْ
فـَرْگــَوْ بـَقـْلاوَه اوچـُكـْليـَـتْ
مـَتـْگــُلي .. شـنـْهـي اشـْخـَليـَتْ ؟
عِـلـْگـي يـَخـالـَه الچـولـَه – مـَغـْسـولْ وجـْهـَه ابـولـَه
***
هـاي السـَنـَه اوذيـچْ السـَنـَه
هـذا البـَلـَدْ كـُـلـَّـه انــْبـنـَـــه
واتـْحـَقـقـَتْ كـُـلْ المـنـَــه
عـايـزلـَه بـَس هـَـلْهـولـَه - حـاكـمْ هـجـَمْ هـالدولـَه
***
يا سـَيـدْ يابـو الشـاراتْ
جـيـَبْ انـْتـرْسـَتْ مـليـاراتْ
شـَعـْبـَكْ رايـدْ تـَفـْـليـسـاتْ
يـَدنـْيـَه .. چـَـنـّـچْ ثـولـَــه – مـَغـْسـولْ وجـْهـَه ابـولـَه
***
خـَضره مـََنـْطـقـَه اومـتـْـقـَـدمـيـنْ
يـابـانْ اغـْـلــَبـنـَــه والصـيـــــنْ
دولابْ الدارْ ابـْعـَـشـرْ اسـْنـيــــنْ
بـَغـْدادْ .. صـولـَه اوجـولـَه - حـاكـمْ هـجـَمْ هـالدولـَه
***
مـا ضَـلْ جـايـعْ لا أيـتـامْ
لا إرهـــابْ او لا إعـدام
مـاكو حـَربْ .. يـا سـَـلامْ
بـَغـْدادْ صارَتْ چـولـَه – مـَغـْسـولْ وجـْهـَه ابـولـَه
***
يـَعـْراق يا بـو الخـَيـراتْ
شـَعـْبـَكْ مـَكتـول ْ ابـْچـيـَلاتْ
حـيـَفْ .. إتـعـَلـَمْ عَ الچـَوْيـاتْ
الرزقْ صـَعـْبـَه ايـنـولـَه - حـاكـمْ هـجـَمْ هـالدولـَه
***
حجنجي بجنجلي
بـلـْعـَو الجـزَّه والطـلي
جـيـبـَه أبـَدْ ما يـنـْمـلي
عـَفـيـَه عـَليـه صـَفـْگـولـَه – مـَصبـوغْ الشـَعـَرْ.. فـدوَه إلـَه والطـولـَه
حـاكـمْ هـجـَمْ هـالدولـَه
مـَغـْسـولْ وجـْهـَه ابـولـَه
***
شـبـاط ْ / 2014
ســــــــــتوكهولم
------------------------------------
1- الكويت، قد تبرعت لحكومتنا الجائعة والفقيرة وللشعب العراقي ببناء ست مدارس نموذجية!
2- مثل عراقي ينعت به من لا يخجل