عتاب ....... / حميد الموسوي
هذه القصيدة كتبتها بعد مرور سنة على الإحتلال!!ومازال الوضع متدهورا !!!
عتاب .
شفت بعيون أهلنه وناسنه عتاب !
محتاجيلكم ها اليوم ياأحباب.
سنة مرت وأهلنه تعيش المصاب.
سنه وجرح الأحبه غمگ ماطاب !
سنه وتنشد فلح عمال طلاب .
وشيعه تخلبصت وبذيل سنجاب .
دلونه إعله طرف الخيط ياأصحاب..؟
سنه وتنشد الوادم...
والنشد مطلوب..
متى نتحاسب وي الباگنه إحساب .
حرامية الوطن كثرت..!
حرامية الوطن محميه بجناب ...!
سنه مرت ..
يسئلونك سؤال سؤال يحير الألباب .
عليش إبيوتنه إمشرعه الأبواب ؟؟
وعليش إحدودنه مفتوحه الأبواب ؟!
وعليش ..!
القفل والمفتاح سلمتوه للأذناب .
وليش بكل كتر منتشر الإرهاب .
يصير إحگوگنه إنسلبت يالأحباب!
سنه مرت..
وينشدونك.
تظل مشدوه ..
مشدوه..
متبسمر عله الباب..
............
نشرت القصيده سابقا في
9/4/2004
إعيد نشرها في الذكرى 11 لسقوط النظام الفاشي ومازال الوضع متدهورا بشكل مروع .
حميد الموسوي السويد
9/4 /2014