الصدف / كامل الركابي
المحطه البيها
مره ودعتّني
وسافرت
هي چانت
بالصدف
نفس المحطه
البيها ودعّتك
مسيّه
وسافرت
وبالصدف
نفس المكان
وبالصدف
نفس الزمان
اثنينّه
نفس المحطه
مسافرين
وفارگون العادي
كرسي گبال كرسي
مساهرين
نحتسي كاس التغرّب
والمنافي والحنين
انت رديت
عله تهويمة حلم
وانامثلك حالم
الحلمي
اعتنيت
الصوره بعيونك
تردّت وانطفيت
وانه نفس الصوره
بعيوني
تردّت وانزويت
ومن غبار المرحله
السوده ونفطها
انت ضاگ النفس بيك
وانه من ريحه
نْعميت
وتالي صدفه
(هي صدفة لوضروره)
اثنينّه
نفس القطار ايردنه للمنفى
طلع
هالمنفى مثل الوطن بيت !