العش / كامل الركابي
عشي مهجور بغيابك
وانه طيرة
بيتي وحشه
واختفت من الوجوه
البسمه
والضحكة الزغيرة
النار شبت بالضواحي
وانت ضاحيتي
وبلادي المستعيرة
ثياب غير اثيابها
ملحة وگصيرة
ورافعة الرايات
سودة
مو حزنها على الحسين
ولامصيره
لا اله الا الله صارت
سيف
بچفوف الدواعش
والعشيرة
چان ذابحني غيابك
هسه عش مهجور
ارحم
لاشجر
لانخله
ظلت
ينبني ابطلـّتها عش
وغايب
اسلم
هدب بعيوني
خيالك
ينام يصحه
وي الرمش !