رَمـْـــزْ الـوِفـــَـــه / ميسون نعيم الرّومي

رَمـْـــزْ الـوِفـــَـــه / ميسون نعيم الرّومي                              

القصيدة التي القيتها في احتفالية رابطة المرة العراقية فرع السويد

بمناسبة اليوم العالمي لمناهضة العنف ضد المرأة

المَـرأه يارَمـزْ الوِفـَـه – خـُـمْـرَة أرضنـَـه الطـَـيـْـبـَه

المَـرأه للأســرَه غـِطـَـه – هِـمَّـه اوصَبـرْ واحـبـَـيـبَه

المَـرأه بـَـدرْ اومِـكــْـتـمـلْ – نـَـوَّرْ ظـَـلامْ الغـرْبـَــه

المَـرأه للشـدَّه سَـــنـَـدْ – للوَطـَـنْ روحـَـه اوگـَـلـبـَـه

المَـرأه تـاج اوهالـيـشـعْ - الماس لـيـلـو اوذَهـْـبـَـه

المَـرأه مَحـْـزَمْ للوَكـِـتْ – واتـْعـيـشْ مـُـرَّه اوصَعـبَـه

المَـرأه شـعـْـلـَـه المـاطـفـَـتْ – نـَـورَتْ الجـيـلْ اودَرْبـَـه

المَـرأه أمْ اومـَـدْرَسَـه – قادَتْ عـِـراقي اوشـَـعـْـبـَـه

***

المَـرأه بـنـتْ الرابـطـَـه – للرَجـلْ عـيـَـنـَـه اوهِـدْبـَه

والرابـِـطـَه شـَـدَّة وَردْ – نـَـخـلـَـة البـرحي اورطـبَـه

الرابـِـطـَه حِـكــْـمـَـه اوعَـدلْ – والعدل كلهـَـه اتـْـحِـبـَّـه

الرابـِـطـَه اتـرابْ الوَطنْ – خـَـضـَّـرْ ازهـور ابـعـشـبَه

والرابـِـطـَه شـَـمـسْ اشـْـرِقـَـتْ – عـقـدْ الذَهـَـبْ بالرگـْبَـه

والرابـِـطـَـه أمْ الطـفـِلْ – هالحـضِـنْ بــــي يـتــْـرَبـَّـــه

نـَـزيـهـَـه بـنـتْ الرابـطـَـه – عفه اوثـَـقـافـَـه اورتـبَــه

***

خلونـَّـه نـنـهـَـض نـتـحـدْ – والأسَـدْ يـحـضنْ شـبـْـلـَـه

واعـْـراقـنـَـه انـصَـلـّـي إلـه – يـبـْـقـَـه العـراق القـبـلـَـه

بـَـغـدادنـَـه فـَـنْ اوعـلِـمْ – والعـلِــمْ يـعـْـرفْ أهـلـَــه

يابـو الكـَـرَمْ يابـو الوفـَـه – يابـو الفـراتْ اودجـْـلـَـه

إنـتَ الأصلْ..غـيـرَكْ فـَـرعْ – والفـَـرعْ يـتـبَـعْ أصلـَه

ياجـبـَـلْ شـــامخْ للأبـَـــدْ – مايـومْ صارْ التـَـلــَّــــه

اليـاوَكـِـتْ .. صَبـرَكْ نـفـَـذْ – وانـتَ الحـَـديـدْ اتـفـلـَّـه

***

إنـتَ العـَـرَبْ إنـتَ الكـردْ – الهـورْ إنـتَ اوشـلـبـَـه

التـَـمَّـتْ اعـَـليـَـكْ الغـربْ – المَجـدْ بـيـكْ اتـْـخـَـرْبَـه

تـاريـخْ إنـتَ لـلـبـَـشـَـرْ – إذيـابْ كـلـْـهـَـه اتـْـنـهـْـبَـه

نـنـْـهـَـشْ بَـعـَـضنـَه اوللأسَـفْ – وانـكـَـرْنـَه ليـشْ الصحـبـَه

والقيم ماشـاخـَـتْ أبـَـدْ – جـيـلْ الشـَـبابْ اتـكـتـبـَـه

المَـرأه يارَمـزْ الوِفـَـه – خـمـرَة أرضنـَـه الطـَـيـْـبـَه

---------------------------------------------------------------------------

نوفمبر / 2014

ســـــــــتوكهولم