حميد الموسوي / حاميها ..حراميها
صدچ من گال حاميهه
حراميهه..!
عليش: الموصل إنباعت
بهاليهه...؟
وعليش إنحرگت الأنبار
والبيهه ؟
وعليش ديالى وتكريت متهجره
أهاليهه ؟
وعليش الغرب من أنذال ....!
أرضك ياعراق إستوطنت
بيهه....
لأن صح المثل من گال حاميهه...
حراميهه .
ياقائد الجيش ؟ وجيشك
المليون..!
تسلم الگاع للإرهاب گلي....
شلون ؟!
ماننطيهه ....؟ گلي شلون
مو إنته الگلت إحنه النلاوي..
الكون....
طلعت چذاب ويا وسفه...
إهواي الصدگوا بيهه........!
صار المثل فيت وياك
حاميهه حراميهه .
ولك هاي الأرض تاريخ .
قاده أبطال..
لأجلهه إستشهدت مافرطت
بيهه.
روح إنشد تصفح شوف..
ماضيهه.
أفه غم الوكت!! ياعراق .
طلع جيشك فضائي ...وقائده طنطل ...!
ولحفنه من الدواعش صفت
تاليهه ..!
لأن ياحيف ......
حاميهه حراميهه
حراميهه.
حميد الموسوي السويد ؟