مـَتـْـگــلـّي حـبـْـك ويـَنـَـه/ ميسون نعيم الرومي
ويـَنْ سـَهـْراتْ اللـَيالي
تـِشـْهـَـدْ انـْجـومْ اللَتِـلالي
ريـَتْ حـالــَكْ مـثـِـلْ حـالي
نـِحـْچـي مايخـْـلـَصْ حـَچـيـنـَه
مـَتـْگـلـّي حـَچـْـيـَـكْ ويـَـنـَه
--------------
ازْغـارْ چـِنـّـه اوهالكـبـَرْنـَـه
نـِركـضْ اويـِـركـِضْ عُـمـرْنـَه
تـاه وابـروحي دَربـْـنـَــه
اشـْـلونْ بـيـنـَه اتـْـفـَرْهـديـَـنـَه
مـَـتـْـگـلـّي حـُبـّـكْ ويـَـنـَـه
-----------------
ياروحـي وَجـتْ ماطـِفـَتْ
وانـْدافـَـتْ ارْمادْ اوخـَـفـِتْ
تـاه الدَربْ ضـاعْ البـَخـَتْ
هـِفـْـتـَـتْ الروحْ اوحـَزيـنـَه
مـَتـْگـلـّي نـَفـْـخـَـكْ ويـَـنـَـه
----------------
ياوَجـعــْـتـي ابـْدَمـعْ العـيـَنْ
ليـويـَنْ دَمـْعـِـچْ لـيــويـَــنْ
نـِتـْحـَسـَـرْ او صِـرنـَه البـيـَنْ
ابـدنـيـِتـَـكْ رَبـي ابـْـتـليـَـنـَه
الفـَرَج مـامِـشْ .. ويـَـنـَــه
-----------------
بـِديـارْ هالغـُـربـَه اوضـعِــتْ
شـَـيـَـبـْـنـي صـَدكْ هالتـِـهـِـتْ
ياعـِـشـِـگْ مـاتْ اومانـِـبـَـتْ
نـِـسـْـمـَعْ الونـّـه ابـْونـيـنـَـه
مـَـتـْـگــلـّي حـُبـّـك ويـَـنـَـه
--------------------
يادَهـَرْ بـي زيـَنْ اوشـيـَنْ
يـَسـهامـَكْ ابـْرِمـشْ العـيـَنْ
اسـْـنـيـنْ واتـروحْ اسـْـنـيـنْ
ابـْصـَدّكْ ولـَكْ تـِـبْـليـنـَه
انـصـاف عِنـدَك ؟ ويـَـنـَـه
--------------------
تـغـمـَضْ اشـلون اعـْيـونـي
تـِسـْهـَـرْ تـِظـلْ اجـْـفـونــي
ماصـَدّگْ أنـَه اضـنـونـي
شـِـنـْهِـي ولـَـكْ تاليـنـَـه
مـَتـْگـلـّي حِـلـفـَـكْ ويـَـنـَـهَ
------------------
تـِحـْلفْ تِـچْـذب بـيـه اتـصـرْ
مـغـرور بالحـق تِـغـدرْ
بالدنـْيـَه ... مـايـبـقـَـه السـرْ
شـيـَنـَه اوضـاعـَتْ بي زيـَنـَه
الـحـَقْ شــو ضـايـع .. ويـَـنـَـهَ
------------------
ليـويـَنْ اتـْجـِرْ واتـْعـِــرْ
فـَرْحانْ ... تـِـكـْتـِبْ تـِنـْشـرْ
امـْطـَنـِشْ.. دومْ امطـَنـْگـِـرْ
ماچـَنْ رحـْنـَه اولا جـيـَنـَه
مـَـتـْـگـلـّي وَكـْـتـَكْ ويـَـنـَـهَ
------------------
ايـدورْ الـدوري ايـدورْ
مـِتـْبـَخـْتـِـرْ شــايِـِـخْ مـَسـْرورْ
بالفـَيـسْ البـوكْ اومـَشـْهـورْ
والله اوبـيـكْ احـتـاريـَنـَه
مـَتـْگـلـّي ويـَنـَه الويـَـنـَـهَ
------------------
23 / تموز / 2013
ســـــــــــــــتـوكهـولم