شربي بيرة ....... / د.هاشم الموسوي
انكلا ميركل
اني ماشايف كبل قوطيه بيرة .. بيها غيرة
شربي بيرة ....... بنخب دولتنه الحقيرة
شربي بيرة...... الشعب هج كله يمج
.......وباع جواه الحصيرة
شربي بيرة.... كافرة يكولون عنج
وانتي سلطانه ...... واميرة
كافرة يكولون عنج ...... وحظنتينه بسماح
والاسلام البيه دعونه... قتل وارهاب وسلاح
شربي بيرة......... عافيه وتنكر عوافي
عاجز اكتب ... ووصفج بأحلى القوافي
انتي اول كافرة ........ تلبس الحافي
وانتي اول سافره ....... تلبس جفافي
شربي بيرة..... بنخب دولتنه الرشيدة
والاماني ..والسوالف .. والشعارات الجديدة
الناس تصعد للكمر .... واحنه نكعد على الحديدة
شردوا نص الشباب .... وشدوا اسنان الذياب
اكلوا سنين بلحمنه..... واحنه ندفع بالحساب
شرد اكلج صرنه امة... لا علم لا ثقافه ولا كتاب
هو مو صوج الحكومه .... ليش حاكمنه الومه
صوج الشعب اللي انتخبهم... وشكك عليهم هدومه
شربي بيرة........ بنخب دولتنه الحقيرة
تعليق ــــ انكلا ميركل اشربي البيره صحتين " وكلاصاتج على رؤس حكام العرب
العفنه فدوه كسريه " هذه بلاد الكفر ياانكلا جان يكول " انتم المسلمين شلون
عايشين بيها حتى العمائم بالبحر طوفت بس يردون ؟؟؟؟لانكلا يجون بطنهم الخايه من الجوع يشبعوها