ياحبيبي / كامل الركابي
انت جوّاني وكتوم
ومن دواخل روحك
الخضرة
تحب
اندفاعاتك سريعة
مثل ايقاعك
خبب
تفتعل للفرح لحظه
حتى من اتفه سبب
الغرابة
من اشوفك
مكتئب !
الفطرة
الفطر
بالفطره
يريد ايكون
ويعرّف ابنفسه
لون
لا
ملمس ورد
لا
غابه زغيره
من اصابع طفل
لا
شفه
تتموج بهمسه
لا
و لا يگدر
لان بالفطره
هو يريد
يضفي احساس
ويعرِّف بنفسه !
گطرة
كل هاي الانهار
تتموج بسهرتك
والبحر هادي
الوجه
وهادر على ضفتك
والنبع
بس يتنظر
يتدفق ابلمستك
عطشان
لا مرتوي
من النبيذ- الوحي
وصاعد
الآخر مدى
كل المياه التي غمرتك
صوت وصدى:
معقول
بعدك تظل
تحلم بگطرة ندى!
لو
لو حياتك
مثل ما
تختار
بالغابه
فطر
نافر
جميل
چا تخطيت
الحنين
النابت
بروحك
نخيل!