فقره انترست الحضره / عبد الكريم صالح العامري
الى النواب المجاهدين
٠٠٠
ملايين مبوسره
كلهه تضامنت وياك
بس انه اعترض
ليش الما نطاني نطاك
ستين الف دولار
تسوه الفضيحه
بنشرة الاخبار
احسبهه ولاده
احسبهه لعب زغار
يتحمل اضرارا
الراكب عله حمار
٠٠٠
ستين الف واعرضهن
عله الحور
يشبعنك شبع
حد فورة التنور
خلفيتك شنو
ماتسوى شي دكتور
يعرضوها ببلاش
وياها كومه فلوس
وانته الخزينه
الصفرتهه بروس فقرا
وراتبك نعرف
بخيت وبيتك عله الشط
فوك وحدر
خلاك الحكم تغرف
٠٠٠
عجيبه الساكن الخضرا
شلون التهبت الحمرا
لازم تاكل بهارات
حته تربي دولارات
خضرا صارت الخضرا
وفقرا انترست الحضرا
الايمه تبرت شبيهه
حكها منين تنطيهه
فلوس ابو الحسنين للحوزه
واسلامه يشتكي عوزه
مليون معمم وعاطل
تستر بالله جم سافل
جيش يجدي بس عاقل
يعرف ياكل جتافات
منه شردن الافات
يدمغ دمغ بالايات
تفقد باللطم
ومن الضحك يفقد
عليك وربي زيد
يصيح خنفرهد
وانته حضرتك نايم
ياشعب الحضاره
نوم البهايم
هيجي علمك الحسين
هوه يضحي لجل الدين
وب اسمه تتاجر انصارا
الجانت بالامس احرار
تنباع وتنشره بدينار
دينار الضحكك بجاك
ريته يندفن وياك
ينايب والنوايب نار
انشدك هم شفت دولار
يغسل عار
يغسل بالشرف ويوسخ الثوار
يغسل بس شرف
ويلطخ الثوار
٠٠
امريكا بنسلفينيا