كَالوا...تتعب / سامي سلطان
كَالو تتعب ؟؟؟ لا هيهات !!!
أنا الخليت غيري يسولف بقصتي
بصمودي يرتل الايات
الي يلوح المجد وكفات
يلمتهيني
روح اسئل
انا ذاك العراقي
السجل الشارات
على جبين الزمن
ما همته الصدمات
من عندي التعب
يأخذ لنفسه دروس
ومن يتعب يكَلي
اشلون تتحمل
اذا انت رجيج
وبيك ماكو زود
انه بحب العراق أبزودي متحزم
ادوس على الجمر
من تحل ساعته
أبد ما اسكت علضيم
وللكلفات دوم أقدم
شما كثرة جروحي اليوم
امشي بطولي ما أهتم
ولو كثروا علي اعداي
يملون وتطيح أعروشهم
..و اضل صامد. .. أبد ما مل
اضل صامد أبد ما مل