شلة حراميه / حميد الموسوي
حكموه للوطن شلة حراميه
حراميه ! حكامك يشعبي
إشبيك .؟
ساكت عل الظلم متگلي
إشلاهيك..!ّ
شتترجه بعد ؟؟ياهو الذي
ينطيك...
گوم إشلعهم..
ولاتگول شعلييه
باعوه للوطن شلة حراميه .
ياهو الگام شدله عمامه
وغراك.
طلع چذاب ومن عمامته
بلواك ...!
ساكت ليش !
موهو الذي باگاك..
كل هذا وترد إتگول
شعلییه..!
وحكام الوطن شلة
حراميه .
صدگیته......
وبعدك إتصلي
وراه..!
وانته تدري إلي جرالك
من وراه.
يمته تصحه .
إصحه .
وتحاسب وياه .
وهتف وي الهتف گبلك
* بسم الدين باگونه الحرامیه *
حکام الوطن کلهم حرامیه .
صلفين .. يحلفون بعلي وحسين ..
والعباس ..!
نحكم بالعدل.....خدام هاي
الناس ...!
چذابین.....چذابین
دفنوه للضمير ونزعو
الاحساس .
چذابین.
نهبوه للوطن كلهم
حراميه .
حكموه للوطن شلة حراميه .