هذا المليح الوجه / نجم خطاوي
لصديقي الشهيد عطا جبر ....
هذا المليح الوجه هذا النقي الروح
هذا المجد عاده إله شيدها عالي صروح
هذا الوفه شيمته طبعه الورد ويفوح
هذا الكظم هم جبل سار بعزم ميبوح
الجبال بيه ازدهت فاخرت بيه سفوح
شامخ أبد ما خذل باسل بوسط السوح
دفتر حروفه فكر واضح بلايه شروح
شجرات غرسه زهن خضرن صارن دوح
راياته حمره وترف فوك القمم وتلوح
هذا العليه الكلب دومه يظل مجروح
وسفه عله بلادنه وحيف الوطن مذبوح
دجله انطفت فرحته وفرات سكته ينوح
غمه وتمر وتعدي ونكول هم تروح