عـطـْـشـــانـَـه .../ ميسـون نعيم الـرّومي
الـْـعـيـنْ تـعـّـبهَـه الــسـهـَـر ـ والـعـَبـْرَه تـِـخـْـنـِگْ واتــْردْ
نـار الگــَـلـِبْ ماتـِـنـْطـفـي ـ تــِلــْهـَـبْ اوتـِـرْجـَعْ تـِخـْمـِـدْ
والبـَحـَرْ .. ياهـُـو الأمـَّـنـَه ـ نـوبـَه ابـْجـَــزرْ نـوبـَه ابـْمـَـدْ
الغـرْبـَـه تـاخـِـِذنـه غــفــُـل - نــوبـَـه فـَـرَحْ نـوبـَـه اتشــــدْ
أيـامْ شـامـَه اعـْـلــَه الــْوَجـِنْ - اتــْبــوسْ واتـْـشـِّــمْ الـخـَــدْ
وايـامْ كـِـلـْهـَـه امْضَهضبـَـه - تـِـزْبـِـدْ اوتـِـدْمـي اوتـِـرْعـِـدْ
أيـّامْ يــِسـْـعـِـدْنـَه الــوَكـِـتْ - نـِـفـْرَحْ انـْغـَـنـي اونـِـحـْمـِــدْ
أَيـامْ نـِگــْـلـبْ بالـْصوَرْ - تـِـصـْرَخْ اللــّوعــَه اوتـِـهـْـمـِـدْ
طـَـشـّشْ ضَـعـَـنـَّـه ابلا سـَبـَبْ - ضـاعْ التـَـعـَبْ ويَّ الـكــَدْ
كـِـلْ واحـِـدْ ابـْديـرَه صـِـفـــَه - حــَـسـرة ْغـرُب يـِـتــْنـَهـَـدْ
يـِكــْدَحْ اويـِـرْجـَعْ للـمـِـضـَه – اســـنـيـنْ الـتـَرافـَه ايـعـَـدّدْ
مانـِـنـْسـَـــه مـاضيـنـَـه أَبـَـدْ – إيـنـامْ نـوبـَـه اويـِـگــْعـِـــدْ
وايـفـَـزّزْ النـايـمْ غـَـصبْ – للـرّوحْ ويـلـي ... ايـمـَرْعـِـدْ
اسـْـنـيـنْ واسـْـنـيـنْ اوتـِمـِـرْ – فـَـدْ يـومْ هـَـلـْبـَـتْ واتـــردْ
عـَـطـْشـانـَه روحي الديـرتي – الــْـفـَيْ النـَخـَلْ من نـِگــْعـِدْ
نـِـتــْسـامـَرْ ايـطيـحْ الرطـَـبْ ـ دَمـعْ الـتـَـمـِرْ ليـَـنـْـه ايـصِـدْ
الدجـْـلـَـه والـطـَعـْـمـَه العــَذبْ - هـورْ الگـِـصَـبْ هـالـوَرّدْ
الـْماي الفـراتْ الـبـي شـَـهـَـدْ ـ يـاحـَيـَـفْ مـايـَــه اتـْـفـَـرْهَــدْ
بـَـغـْـداد واريـاضْ الأهـَــل ـ والـوَردْ بـيـهـَــه الـجـَـــمـْـبــَـدْ
مـِشـْـتـاگــَه آنـَه الصحـْبـتي – نـِتـْناغه...نـِضْحـَكْ...نـِنـْشـِـدْ
احـّا يـَدنـْيـَه اشـگــَد قــَهـَـر – يـِـسْـحـَـن ابـْروحي اويـشـرد
نِـحـْمـِـسْ انـْـلـومْ اوبالـوكِـت – نـِشـْـتـِكي..اومنهـو الـيشهـَـدْ
عـَـفـْيـَه يـَوَكـْتي اشـْگــَدْ صلف - نبني الـــعـُمر..تـالي انـْهـِـد ْ
هــذا الـْـوَكـِتْ .. غـَمـّه الوَكـِتْ – مـِحْـبَـسْ اوبـيــدْ الـسـَـيـّـدْ
هـاذي يـَـربـْـعِــي قـِصّـتـــي ـ عــاشْ الهـَـزل ، مـاتْ الجـَــد
الـْـعـيـنْ تـعـّـبـْـهَـه الـسَـهـَـر ـ والـْـعـَبـْرَه تـِـخـْـنـِگْ واتــْـردْ
2013 / آب
ســــتـوكهـولم