هيهات المذلة / حامد كعيد الجبوري
ألقيت في تظاهرة يوم الجمعة 26 شباط 2016 بابل / ساحة الحرية
|
ما خايف أمس شتظن أخاف اليوم أكو براسي أماني ولازم أوصلها تهديدك جُبن ميهز شَعَر زعطوط وتهديد الجبان العقل يهملها شجاك وترتعش وتخاف من جلمات جلمات الشرف تيجان زلزلها أكو بعض القصايد دوخت سلطان وتهاوت عروش وخلد كايلها مثل أم وبراءة ودجله أم الخير وخَـيّال الشعر يسرج أصايلها حسبالك أخاف وأختل بسرداب وأركعلك خشوع وروحي أبذلها المراجل للزلم والشاهد التاريخ أسماء بذهب مخطوطه سجلها قاسم والشهادة تلوك للثوار سلام وللوطن عيناه كحّلها قطار الموت بعده أيسج قطار الموت وسجن الحله نور النفق شع ألها مو جيفاره واحد جم بطل صنديد وأحبال المشانق روح سايلها هيهات المذلة وهذا صوت حسين رّج الدنيه دمه وشمسه نندلها هيهاتك دجَل وأتكشف المستور هيهات المذله الشعب كملها أبكل جمعه هنا تتوافد الأحرار ونتظاهر سلم دستور يكفلها أبكل جمعه هنا نفضح سياسي الزور ونكشف للحقيقة ابذلته أنذلها أبكل جمعه هنا ويطالب الجمهور ابقصيدة للوطن هيهات أخذلها *** كافر وصّفتني ونعم كافر بيك مو كافر بربي وهاي تجهلها لا بعت الوطن لا خنت طيب الناس وهاي أفضل عباده الله يقبلها طيحت الصنم ؟ مو أنت محتلها قصوره وسلطنه آخرها وأولها وفوك الظلم بوك أمريكي سهلها حرام أعله الشعب ولحزبه حلّلها حيّ أعله النهب وبجيبه ختّلها وبطنك بالنساتل لا تنستلها وجيوب السياسي البوك ماملها وببنوك الغرب مو يمنه نزلها من أجل الوطن إرهاب قاتلها شيقدم بعد للناس دللها وقاصاته أنملت دولار طب ألها وتكنوقراط مره وجر مهازلها السوالك كراسي الشوفتك ملها الصنعوكم أوادم خير رد ألها الشهاده أتزوكت حلت جدايلها من يغضب شعب تيجان يزبلها
|