مثل مارحتي أجيتي / سامي سلطان
إلى ما تسمى بالطائفية ومن ولاها
مصخمة من گاعج انتي
وين ما وجهج نطيتي
مصخمة من يوم شفتچ
ليش مو غيري لكليتي
حضي العاثر لگاج
وبوسط بيتي انتچتي
ما اريدچ كفي عني
ما يهمني الغربيتي الشرگتي
چنت غافي بفي محبتي
جيتي انتي وخربيتي
البيت وباهلي..اشتفيتي
جيتي انت من العدم ما يشتريچ
البيه بخت .. يل ما اهتديتي
تريضي بثكلچ علي
الناس مو كلها على ذبتي
گلبي من دم ولحم
وانت من جلمود كلبچ
ما دريتي
شلون چان الليل يگضي
عگب ما انت مشيتي
گلت همزين انتهينا
وبدلت كل الحياطين
البيها انچيتي
وعودت روحي على نوحي
وغيرت حتى بچيتي
وضمدت جرحي الچبير
وفوگها عضيت شفتي
وگلت ترد... !!!!لا ما ترد
لنها ردت من جديد
گلت يا ول حظ اجيتي
تيتي تيتي مثل مارحتي
اجيتي