حبك مطر / عبد الكريم صالح العامري
لو مره گلبك سائله
عني وحنين الشايله
چان نذرت عمرك نذر
وچا گتلي جيتي بيا عذر
صح انته وانه بمايله
لو مره گلبك سائله
٠٠
ولو مره مني تگربت
چا گتلي غلطه وهم تبت
سامحني يل حبك مطر
يغسلي ذنبي شما كبر
يا فرض انته ونافله
لو مره گلبك سائله
٠٠
يلغبت عني وصديت
طير انه حومن عالبيت
تلگاني روحي بصورتك
كاتلني واطلب رحمتك
تعويذه صرت وبسمله
لو مره گلبك سائله
٠٠
گلبي النسيته بغربته
ينشد طيوف بو حشته
شلونه الحبيب البلوطن
ناسيني لو ينزف محن
هم مثلي ناطر زاجله
لو مره گلبك سائله
عني وحنين الشايله
لو مره گلبك سائله
٠٠
عبد الكريم صالح العامري
امريكا بنسلفانيه