مصرف الدم المرابي / عبد الكريم صالح العامري
كل رصيدي ذكرياتك
مابقه ب ايدي رصيد
اخر انذار استلمته
بطيف واعدني بوعيد
گلبي صندوگ لبريدك
كاسره ب أيدك اكيد
اعلن افلاسك يكلبي
وافتح حسابن جديد
اخسر الاولى بحياتك
لاتظل تخسر مزيد
هاذه حبك صفريته
وهلكعدت عله الحديد
وهاي دنياي وغدرهه
اعلنت بحزاني عيد
وهاي ساعات انتصارك
يانخب تشرب تريد
يامصرف الدم المرابي
تسحب من اخر وريد
تسحب بروحي وتكلي
ارباح منك ما اريد
يلطاغي حبك اخ منك
ابعد وردني العنيد
تبعتك انته وهالعواطف
وتركت عقلي الرشيد