الساده يشورون ـــ 5 ـــ / حسن حاتم المذكور
يا جنوب شبيك يا سمر
ليش طفيت الشمس ؟؟؟
والصبح بالديره ما مر
غرب نهارك
ايد بيد وي الغروب
گال ماكوا عيد باچر
ما يمر زعلان الفجر
ليش يا سمر ؟؟؟
فارش الظلمه بثنيتك
من روازينك
دخل هندس الساده
وباگ عگلك
وحنه مثل گلب السمچ
ننشد الصياد
عن درب الشبچ
صادوك ونصدنه نقش
الساده كل اخلاقهم
جابوا نقش
نقشوا بنگ الزويه
ومو بعيد المركزي
نقشوا بغدادنه
.... وتاريخنه
گطعوا شرايين الهويه
...... ونقشوا
حتى البگه من اجدادنه
آخر هريسه اكلوا وطن
وبروحهن ينبح الجوع
راحوا البيت الرشيده
العبره تتعثر دموع
رادوا بعد فوگ الخمس
درزن اخماس
... البارحه
باگوك منك يا وطن
قسّموك اباب بيتك
حصه هذا ... وحصه ذاك
وحنه حصتنه المراجع
حصة وجع يلچم وجع
يا ندم شيفيد چنه
حكموا اسبوع الوطن
ورماد صرنه
10 / 2016