عيني عله الدرب / سامي سلطان
عيني عله الدرب
واشتاگ للملگه
گضت ايام عمري
وصعدت الحرگه
تمنيتك تضل وياي
يادمع عيني التبده
تهت والروح ما تندل
العمر ستين وتعده
ادور أعله الوجوه
الفارگته اسنين ما الگه
احنن والحنين يفيض
دمع مديوف بالحصره
هلي يا هلي انتم وين
هم بيكم بعد رده
د أيس بعد يا گلبي
تره هذا الي تحلم بيه
طاست ماي وتبده
بحماده مخشفه من سنين
أبد ما شافت السعده
أنطر لوجه الفجر
وعيوني كاتله النعاس
نسمات عطر ك من تهب
بيها الندا يخضر الياس