بعدك جذر / عبد الكريم صالح العامري
هذا الحلم اول نده
يبلل فجر ورداتنه
وغيم الدمع اخر هجر
يمطر عله مخداتنه
يموج الربيع بروضتي
طيف وعبر
ايامي تركض عالثلج
واجراس وقتهه الخطر
شتشوف يالبعدك ترف
نكبر سوى
ويرجع همس ضحكاتنه
لو اخر حلم هذه النده لورداتنه
٠٠
ومضه الامل تاه وجزه
وغض وعبر بيبانّه
نيشان حطيت الكلب
عمداً خطا ولاصابنه
تعود الحياة لميسمي
وينبض نهر
ويفيض حب بدنيتي
ويزهر كمر
شتشوف يالبعدك جذر
طول العمر
تروي بغصن جيرانه
لو اول حلم
هذا النده لورداتنه
٠٠٠
اميركا پنسلڤينيا