عراقيات. 6 / عبد الكريم صالح العامري
فرحو من طحت محد وكف باراك
مجروح يدري النذل حضر ملعبه وباراك
اخوك الطاعنك تندب لمن باراك
لباراك حصة الاسد ويطالب بديه
٠٠٠٠
من ليل الظلم هاذ الشعب جنه
لا انسي ويا وكف لاوكف جنه
دورت البسيطه وماشفت جنه
مثل ذاك الوطن مثوى يلوك ليه
٠٠٠
الطاغي لاترفعه ولاتوصله كرب
ظلم حكمه جور وبلاء وكرب
عالفقره حرث ياما زرعنه كرب
والحصاد گبور اهلي بلا هويه
٠٠٠
قيدك ياشعب گوم انتفض كسره
مو طاح الصنم ليش انعبد كسرى
تخبز للغرب وانته بحال كسره
لاساده انصَحَت لا كاوليه
٠٠٠٠
اميركا پنسلڤينيا