اخرة الورد / عبد الكريم صالح العامري
تضل مهيوب
بس دگ دكة انذاله
ورد لاتضل بيد الناس
اخرة الورد يتعير زباله
شعبك مايريد احرار
تعلم عالمذله وسيف كتاله
لتهابه الكفّرك فد يوم
بدينارك تبيعه وتشتري امثاله
اليعبدك هم يمل ويتوب
من يشوف چفتك مايله مياله
بسك طيبتك لاوين
عيسى انصلب من رقته
و طيبة اعماله
ولو ما بدر مانشّرو الرايات
وحدهه السيوف تقرر الحاله
ولوما مجزرة رمضان
عفلق ماوصل مجده ولارقى بحاله
ولوما عفى الله
چا ضل زعيمك والحكم ماله
وما چا وصل للشعب سفاح
عاث اببلدنه وذبّح اجياله
گلي بيا وكت نتشكر الاعداء
محتل الوطن ونصيح هنياله
قطار الجابهم بشباط
حطلك چم بديل وشال تمثاله
شمالك ي انته الينحلف بيك
چف الصافحت كتال كصها
وسكت القاله
سكت القيل والقاله