روجــاتْ الـعِـشِـــگْ/مــيســـون نـعـيـم الـرّومي

روجــاتْ الـعِـشِـــگْ / مــيســـون نـعـيـم الـرّومي  

مـَـرّيـــتْ يـَـمْ دارْ الولـِــــفْ

 والـْدَمِـعْ ســاحْ امـْن العـيـنْ

اتــْـعـَـثــَّر ابــْروحي الـدَربْ

والگــَـلبْ راكـضْ لـيـويــنْ ؟-

والجـِـدَمْ يـمـْـشــي هَـالجـِـدَمْ

 يــِحـْسبْ ابـْخـَطـْواتـَه اسنيــنْ

أمْـــــشـي وَردَّن لــلـــوكِـت

 ثاريـنـَـه نِـمْـشــي او لـلـبـيــنْ

ايـْـغــَـنــّي غـِنـْواتْ الــفـَرَحْ

 غـَـنـّاهـَه كـِلْ لحـْظـَه اوحـيـنْ

يــِـتـْـذكــّـرْ ابـْدَمـَّـه انـْـكـِتـَبْ

 عـَهـدْ انـْحِـفـَـرْ وابـْحـَرْفـيـَنْ

وايـعـاتـِـبْ الـبـي هـَـالـسِـكــَنْ

 وايـنـِشـْـدَه خـَـلْ يـوفي الديـنْ

اگــْعـَـدنـَـه وابـْـفـَـي الــنـَخـَـلْ

 والعـيــن تِـشـبـگ الايــديــن

ابـْـنـيــنـَـه مـِـنْ ضيّ الگــمـَـرْ

 مـَرْكــَبْ هـَوى بــشـْراعـيـنْ

امـْطـَـرز ابـْـنجــْـم الــْسِــمَـه

تِـضْحـَـكْ غــَـنِـجْ للحلـْـويــنْ

تاخـِذنـَه روجـاتْ الـْعـِشـِـگْ

تـِـحـْبــِـي حـَبـِـي عَ الرجـْـلـيـنْ

عَ الـرّوجْ كـِـتـْبـَتْ قـِصِـتي

دجـْـلـَه او فـُراتْ الـنـَهـْـريــنْ

ابـْهــيـدَه چـَن نـَسـْـمـَه اجـَتْ

بـهـْداي فـاحـَتْ عـِطـْريـــنْ :

هـيـَـلْ اومـِسـِـچْ صرخـَـنْ سـِـوَه

بـَسـّـــچْ يـَروحي اتــْحـِنـيـنْ

والـوَعـَـدْ هالــْــفـَـزّ انـْـتــفـَـظ

 مـَدْمـيـّه بـيـهْ .. ابـْجـَرحـيـَـنْ

والـوفـَـه لاوي ابــرگــْبـِتـَـه

 مَـگــْصوصَه بـيـه الجـِنـْحـيــنْ

وجـَّــت الـنارْ ابـْـكـِـلْ كِـتـِـرْ

 صارَتْ جـَـمـُر بالخـَـديــنْ

ياحـيـفْ يادنـْــيـَـة غـَـــدرْ

 يِِـتـْسـَـيـَّـد الشـّيـنْ .. الـزّيــنْ

ضيـَّعـْـنـَـه يادنـْيـَـــه الـــدَربْ

 اوابـْضيـَمـَه فـَـرگــْـنـَه البـيـَنْ

  والـْـعـلــَّـه تـِـزْرفْ بـالچـَبـِـدْ

  ديــرَة غـُرُب مـِتـْطـَشْــريـنْ

مـَـرّيـــتْ يـَـمْ دارْ الولـِــــفْ

 والـْدَمِـعْ ســاحْ امـْن العـيـن

 آب / 2013

ســـــتـوكهولم