لظــُـلــُمْ لـو دامْ دَمـّــــرْ/ ميسون نعيم الرّومـي

لظــُـلــُمْ لـو دامْ دَمـّــــرْ/ ميسون نعيم الرّومـي

كل جـايـر ابحكمـه ابـحـم يـتـغيـّـر – كـُلْ ظـُلـُمْ اوتـَراه إنْ دامْ خـو دَمـَّرْ

مايـِحـْـتـاجْ حـكـْم الـعدل سـيـنْ اوجـيـمْ

ظـُـلمْ النـاسْ للأنـْسـانْ مـِحـْـنـه اوضـيــم

شـَمسْ اوتـِنـحـِجـِبْ نـوبـاتْ وَسـَط ْ الغـيـَمْ

يـا غـيـَـمْ السـِـمـَه للشــَمـِسْ ما يـِگـْـدَرْ- كل جـايـر ابحكمـه ابـحـتـم يـتـغيـّـر

--------------

شـو صـار العراق اولايـة البـطـّيـخ

كـل قـصـة شـعـب تنكـتـب بالتاريـخ
يـاناس الحـضـارة وصـلـت الـمـرّيـخ
واحـنـه ابهـالعـصِـر نـلـطـم اونـتــكـدّر ـ كـُلْ ظـُلـُمْ اوتـَراه إنْ دامْ خـو دَمـَّرْ

--------------

هـَمْ تـِطـْـلـَعْ شـَمـِسْ فـَدْ يـومْ هـَمْ تـِطـْـلـَعْ

عـِراقـي هـَـالشـَـعـبْ للـويل ما يرْكـَـعْ

شـَمــسْ تـَمـوزْ للغـيـَمـاتْ ما تـِخْـضـَعْ

تـِخـْـلـِدْ بالسـمـَه واتـْمـوتْ بالمـَحـْـشـَـرْ– كل جـايـر ابحكمـه ابـحـتـم يـتـغيـّـر

----------------

بـَطـَـلْ شـَعـبْ العـِـراق المـايـِــهـابْ المـوتْ

يـِتـْحــَدّه المـنايه اتـْـشــوفـَـه عـالي الصـوتْ

سـِجـِنْ سـَـلمـانْ يـِشـْـهـَـد ْ لـيه..سـِـجـنْ الكـوتْ

خـاف امنْ الزَمـَنْ دوراته مـِنْ تِـفـْـتـَـرْ - كـُلْ ظــُلـمْ اوتـَراه إنْ دامْ خـو دَمـَّرْ

-------------------

صـوتْ النـَخـَلْ بالريـِحْ يـِصْـرخْ وحـاچـيـه

صـاحْ الوطـَنْ مـَبـْيـوعْ .. حـاضرْ اوماضـيـه

مســحـوگ الـوطـن ... والبـاعـَه مايـشـريـه

والـبـاع الـوطـن عَ الـشـعـب يـتعـنـتـر – كل جـايـر ابحكمـه ابـحـتـم يـتـغيـّـر

-----------------------

فـُراتْ او من بـچـَه دجـلــَه يـَـــعـالمْ نـاحْ

كــَبـَّر كـُل نـَخـَـلـْنـَه او للسـمـَه هالصـاحْ

هـَـــالگـاعْ امـْحِـلـَتْ ... ماضلْ وَردْ قـِدّاحْ

تـِبـْـلـَعْ ضـَيـَمْ كـُلْ اسـنـيـنـْهـَه اوتـِجـْـتــَرْ- كـُلْ ظـُلـُمْ اوتـَراه إنْ دامْ خـو دَمـَّرْ

-----------------------

عراق الأهـَل والخـيـراتْ يـَمـْأصـَّـلْ

أَبــوالثـَوراتْ يامـَهـْيـوبْ يـَمـــْـدَلـَـلْ

والعالي النـَسـَـبْ هـَيـهـاتْ مايـِنـْذ َلْ

تاريـخْ اوكـِتــَبْ وابـْعـِزّه هالسـَطـّرْ - كل جـايـر ابحكمـه ابـحـتـم يـتـغيـّـر

-------------------

طالـَتْ نـومـِتـَكْ ياشـَعـَبْ بـَسـَّـكْ عـادْ

حِچـَوْ كــُلهـُمْ عـَليـَكْ اهـواي ماتـِنـْگـادْ

تـِـرْضـَه بالظـُـلـُـمْ واتـْهادِنْ الجـَــلادْ ؟

جـَلادْ الـشـعـب بالـكـرسي يتـْبـسـْـمَـرْ– كـُلْ ظـُلـُمْ اوتـَراه إنْ دامْ خـو دَمـَّرْ

-----------------------

بـَغـْدادْ الحـِضـارَه الأَبـَـدْ ماتــِنـْـظـامْ

شـعبـهـه ايعيش دومـَه ايقاوم الظـلاّم

يابـيـرغ شـهـامـه .. اوتشـهـَـد الأيـّــام

رايـَة نـَصـِرْ عـِلو السـِمـَه خـَلْ تـنـْثِـرْ- كل جـايـر ابحكمـه ابـحـتـم يـتـغيـّـر

-------------------

كل عـمري إلـَكْ عـَمـّاتـي والخـالاتْ

يانـورْالعـِلـِمْ والأدَبْ والخـَيـَراتْ

لاعـَـثـْراتْ عـِنـْد َكْ لاأبـَدْ زَلاتْ

كل رايـات شـعبـَك بيـك خـَـلْ تـفـخـَـر– كـُلْ ظـُلـُمْ اوتـَراه إنْ دامْ خـو دَمـَّرْ

-----------------------

ســـــــــــتوكهولم

اكتوبر / 2013