وَنــّـة مـِسـتــَحـَه / ميسـون نعيم الـرّوم

وَنــّـة مـِسـتــَحـَه / ميسـون نعيم الـرّوم

يـاحـِلمْ اليـِفـِزْ بالليـَـلْ وَسـطـْ اللـيـَـلْ – ياچـِلمـَة عـَتـَبْ تـِرْجـِفْ على الِشـِفــَّه

وَنّـة ْمـِسـتـَحـَه والگـَلبْ هالمـَـلچـومْ – يالعـَطـْشـان يـِتـْحـَسـَّرْ على الرَشـْـفـَه

ياجـَرحْ البـْروحـي ، والجـَرحْ مالومْ – يـمـْردْ بالگــَلب والگــَـلبْ مايـِشـْفـــَه

ياعـيـَنْ السـَهـَرْ والسـَهـَرْ هـَدّ الليـَلْ – روحـي المـاغـفـَتْ يافـَرْحـَة اليـِغـْـفـَه

************

لِـهـْبـَـتْ نـارْ هـاذي النـارْ ماتـِطـْفـاشْ – شـِعــْــلَتْ بالگــَـلبْ چـانــُونْ تـِــدَّفـَه

واتـْهـونْ المـَهـانـَه اعـْليـَچْ هـَمْ تـِرضـيـنْ – تـِبـْچـي اوتـِنـْتـحـبْ ياشـوغـَة العـِفـَّه

ياعـيـَنْ البـِچـَتْ منْ عـيـَنْ تـجـْري ادمـومْ – تـحـْفـرْ بالگــَلبْ نـهـْران منْ تـِجـْفـَه

بـِـبـْتـوتْ الگــَلبْ تـِتـْمـَرْجـَح انـْتَ اوبـيـه – وابـْروحـي اهـِزَّكْ وانتَ ماتـِغـْــفـَه

**************

ياطـَبـعْ الزَعـَلْ والطـَبعْ مابيه صـوچْ – اثـاريـه السـَبـَبْ بالصـوچْ وانـْعـرفــَه

نـِتمـَنـّه التـَمـَنـي يـِعـدْ حفنـه اسـْنـيـنْ – واسـْنـيـنْ العـمـرْ لوعـاتْ مــاتـِطـْفــَه

نـِعـْتـِبْ عَ الصـَبـرْ والصـَبـرْ مـَلْ اوشـالْ ـ منْ وَنْ الونـيـنْ الهـِجـَرْ وابعـِرْفــَه

ياصوتْ الحـِزنْ والگـَلبْ ظل مـَطـْعونْ ـ مـثـلْ صوتْ النـَخـَلْ لو نـَعـَّه وَيْ سـَعـْفـَه

***************

صـَعـْبـَه اعلـَـه اليموت ابيوم بين اهـْمـومْ – يـِتـْسـَلــَّه ابعـَذابـه اويـِخـْنـِگْ اللهـْفــَه

ياحـالْ المـِحـبْ  لـوعـْرفْ ولـفـَه ايـخـونْ – مـِثـِل حالْ النـَهـَرْ لو ضاع من جـِرْفـَه

ريـضْ عاد بسـّـك ولـَكْ كـافي اوبـَسْ – خـَل مـَرْكـَبْ عـمـرْنـَه يـوصـَل المـَرْفــَه

مـَللنـَه القــَوافـي امن الشـِعـِـر وابـحـُـور-  كل يـومْ اوإلـَكْ ... يـومـيـَه فــــَدْ زَفــــَّه

يـاحـِلمْ الــيـِفـِزْ بالليـَـلْ .. وَسـطـْ الليـَـلْ – ياچـِــلمـَـة عـَتـــَبْ تـِرْجـِفْ على الِشـِفـَّه

2013 / اكـتــــــوبر/ 5
ســتـــــــوكـهـــولم