لزْگــَة جـونـْسـِنْ/ميسون نعيم الرّومي

لزْگــَة جـونـْسـِنْ/ميسون نعيم الرّومي

لزگــَة جـونـْسـِنْ باللـَزگْ مـَعـْروفـَه – والتـِلزَگْ ابـْظــَهـْرَه أَبـَدْ مـَتـْعـوفـَه

خـَطـواتْ إحـْسـِبْ لا تـِگــَعْ

مـِسـْكـيـنْ گــَلبـَه اوما هـِجـَعْ

جـوعـانْ عـمـْرَه اوما شـِـبـَعْ

جـايعْ والبـَطـِنْ چـَمْ دوبْ مـَكـروفـَه - لزگــَة جـونـْسـِنْ باللـَزگْ مـَعـْروفـَه

************

إبـْعـدْ اوروحْ امـْـشـي غـادْ

مـِـن الغـَزَلْ بـَسـَّــكْ عــادْ

عـِـزَة نـَفِــسْ هـَـمْ تـِـنـْرادْ

امـسـيـَچـيـنْ تالي انـْدَگــَتْ ادفـوفـَه – والتـِلزَگْ ابـْظــَهـْرَه أَبـَدْ مـَتـْعـوفـَه

*************

يـِبـْچـي وايـدگْ باربـابـَه

ضاع اويـريـدْ اصـْحـابـَه

مانـدْري شـنـْهـي الصابـَه

ايهـَلـِسْ بالشـَعـَر وايمـَلـِشْ ازْلوفـَه - لزگــَة جـونـْسـِنْ باللـَزگْ مـَعـْروفـَه

************

نـِگــْطـَه اوهالطـاحـَتْ ياحـيـَفْ

تـَـفـْصيــلْ الحـُبْ مو بالكـيــفْ

لابالشـِــــعـرْ اولا بالســـــيـَـفْ

يـوزنْ بالقـَوافـي اوتـِزحـَفْ احروفـَه – والتـِلزَگْ ابـْظــَهـْرَه أَبـَدْ مـَتـْعـوفـَه

*************

حـَيـّالْ الوَكـِـتْ هالضـاعْ تـَدْبـيــرَكْ

تـِـزْرَعْ والحـَصادْ إيـصيـرْ والغـَيـَرَكْ

(حـِنـطـْتـَكْ بالحـَصادْ اوأَكـْلـَتْ اشـْعـيـرَكْ)-

دَگـْاتـَكْ يـَوَلي اصـْبـَحـَتْ مـَعـْروفـَه - لزگــَة جـونـْسـِنْ باللـَزگْ مـَعـْروفـَه

************

اشـْمالـَكْ هالعـَـقـْـلـَكْ خـَفْ

إدِّگْ اومـَشـْگـوگ الدَفْ

امن اتنام..اتغطه اوبالبشـَفْ

اشـْفـوفْ التـِدَفـْي اتـْكـونْ مـَنـْدوفـَه – والتـِلزَگْ ابـْظــَهـْرَه أَبـَدْ مـَتـْعـوفـَه

*************

إليـَمـْنـَه اشـْجـابـَكْ والديرَتـْنـَه؟

يـِتـْعـَبْ من رايـِدْ صـُحـْبـَتـْنـَه

غـادْ ابـْعـِدْ ؟ لا تـوصَـلْ حـَدْنـَه !

هذا الكـارْ.. يـتـْعـبـَـكْ عـوفـَه - لزگــَة جـونـْسـِنْ باللـَزگْ مـَعـْروفـَه

************

اشـْجـابـَكْ عَ الحـَصادْ اومـِنـْجـَلـَكْ مـَكـْسـورْ

مـَقـْريـَنـه شـِعـِرْ .. اقـْريـَنـَه دار اودور

مـو خـُبـْزَگْ وگــَعْ..واحـْتـرَگْ بالتـَـنـورْ

اشـْجـارْ اشـْجـَرتْ وامـْنـَوعـَه اطـرافـَه – والتـِلزَگْ ابـْظــَهـْرَه أَبـَدْ مـَتـْعـوفـَه

*************

أُگــْعـدْ عـَوَجْ .. واحـْچـي عـَدلْ

ماكـو حـَچـي ايـطـَيـحْ الجـِـبـَـلْ

النـَمـِــلْ مـَيـباهـي النـَحـــلْ

ياشـَهـَدْ النـَحـَلْ بافـْعالـَه واتـْشـوفـَه- لزگــَة جـونـْسـِنْ باللـَزگْ مـَعـْروفـَه

************

من تـِحـْچـي..اوزنْ چـِلمـاتـَكْ

لاتـِخـْـلط بالشـيـَنْ اوراقـَـكْ

مـوتـَـكْ من تـِخـْـلط بالسـانـَـكْ

والسان البـَشـَرْ مـَلزومْ باچـْفـوفـَه – والتـِلزَگْ ابـْظــَهـْرَه أَبـَدْ مـَتـْعـوفـَه

*************

اكتوبر \ 2013

ســـــــــتـوكـهـولـم