أبـياتْ مـن الدارمــي / ميسون نعيم الرّومي
يـاعـيـَني صـبـّي ادموعْ – وابـْچـي إعـْلـَه كـيـَفـچْ
خـايـنْ طـلـَعْ بـَذاتْ - گـالــــــوْ وليـفــــــــچْ
*****
مـا أسـْمـَعْ اليـحـچـونْ - مـَشـْدوهـَه روحـــي
من شـالْ الضـَعـَن لليـومْ – أشـْرگْ ابـْنـوحي
*****
حـارْ الطــَبـيـبْ اويـاي – مـايـعـرفْ ادواي
العـلـَّه بـالدَلالْ – وَدونـــي لـهـــــواي
*****
ابـْثـوبـَـكْ تـلـَبـسْ الغـيـَــرْ – عـيـنـَــكْ وَكـيـحـَـه
سـَيـدْ اوصـايـرْ شـيـَخْ – مـَحـْـلـَه النـَصـيـحـَه
*****
اتـْعـَـثــَرْ ابـمـَمـشـاي – اصـوابـَـكْ كـتـَلـنــي
مـَگــْدَرْ اگـولـَنْ آخْ – واحـْـبـسْ ابـْوَنـّــي
*****
روح ابطريقك روح – مـَتـْريـدكْ الـعـيـَـنْ
بس نـابـني امن الراحْ - وَجـْعـَات السـنـيـنْ
*****
هـَبْ الهـوَه بـهداي – هـيـَـلْ اومسـچْ بـيـه
فـَز الگــَلبْ فـَرْحانْ – رايــــدْ يـلاگـيــه
*****
احـا وجـَعـْهـنْ آخ - طـَعـْـنـاتـَـــه بـاچـلاي
يـشـْعـل جـَمـرْ بالروحْ - يـرْدسْ عـلى اعـضاي
*****
يـَـمْ بـابـكْ اتـْعـَنـيـَتْ - جـيـَـتـَـكْ أشـوفـَــكْ
تـِجـْـفـي اوتـِسـدْ البـابْ - يادنـيـَه .. اعـْلـَه كـيـَفـَكْ
*****
طـَرالفـَجـرْ يـَهـْواي – عـيـني عـلى البـابْ
ما أدري عـَقـْلـَه خـافْ – مـنْ بـَعـَدْ ماشابْ
*****
هـاذي العـْيـون اعـْيـونْ - هـاكْ اخـذ ضـَيـهـنْ
چـا وَخـرْ الدَمـْعـاتْ - واشـْرَبْ ابـْمـَيـهـِـنْ
*****
خـَليـني اعـايـنْ ليـَكْ - لـَنْ روحـي بـيـدَكْ
أَتـْمـَنـَّه اصـيرْ ادمـاكْ - واغـْفـَه ابـْوَريـدَكْ
*****
ديسمير/ 2013
ســــــــتوكهولمْ