ضيعتوا الوطن يالطائفيين/ حميد الموسوي
چان إسلام واحد شو صفه
إسلامين.!!
لأن كلمن تعمم يفتي
بالدين !
ولأن كلمن خطب اّم
المسلمين !
ولأن لطم المصالح موعله
حسين !
ولأن صبي السياسة صار
لينين !
حگهه الناس تنشد عل..حكم
وين ؟
ضيعتوا على الناس
المشيتين .
خفيتوا الزين وتتباهون
بالشين .
ضيعتوا الوطن !
يل ..طائفيين .
وصفه من الوطن بس
العناوين .
نقرأ العناوين ...
دم ..دم..تفجير.
قتل..قتل..تهجير.
دم ..دم...إنترست
النهرين.
رعب خيم عله
الصوبين.
وين إليا درب ..
ماشين.
عله تدميرنه..؟
ناوين.
ظلاميين إنتم...
موسياسين..!
مناصبكم شريتوهه من دم
العراقيين .
شصلافتكم ..
ياصلفين.
كل هذا وتگولون إحنه
متمكنين !
وإحنه إنگول رغم إرهابكم..
باقين ..
باقين..
متحدين.
إذا إنتم نسيتوا إحنه
ماناسين .
الصبرطال إووصل حده.
بعد ماتنفع السكته .
الشعب ماعاد..
مسكين.
عرف لعب السياسة صارباسم.
الدين!
وصاح بصوت عالي
عراقيين ..
عراقيين..
لا.....للطائفه.
ولا..للطائفيين.