ايـگـولْ حامـِضْ ماأَريـدَه / ميسون نعيم الرومي
المايــِنـوشْ العـِنـَبْ بــِـيـدَه - ايـگـولْ حامـِضْ ماأَريـدَه
أحــّوه يـابـَـحـرْ الـشــــعِــرْ
ابـروحـي نـارَك تِــسْـتـِـعـر
أمـدَح ... اوأكـتِـــبْ نـَـثِــــر
تـنـكـتِـب بـِـسـمي قـَـصيـدَه ـ والـعـنـب يـنـمـُردْ بيـده
ايـگـولْ حـامـضْ مـاأريـدَه
------------------------
بــاگ ! وانچـلـبـَـت اشـهـودَه
الـشِـعـرْ طـرگـاعـَـه ســـودَه
بـيهْ نِـنـظــُمْ عـلى الـمـــودَه
لو كـِتـَبْ (بـوق) الجـِعـيـدَه – والعنب ماظِـن يـفيـدَه
ايـگـولْ حـامـُضْ مـاأريـدَه
------------------------
الشعِـر صايـر كـفــُــر
بيهْ الوصف بيهْ السحر
مفروس مات امن القهر
بـَــس سـطر عـنـدَه القصيده – والعنب.. حسبه بعيده
ايـگـولْ حامـِضْ ماأَريـدَه
-----------------------
ياهو اليجي اويتجعـْـبـَـن
حاسب ابـروحه امفـنـّـن
قـايـد ابـفـكـرَه ايـطـنـطِـن
ماكو فـَـد جمله مفيده – والعنب بـيـدَه عصيده
ايـگـولْ حامـِضْ ماأَريـدَه
-----------------------
گاضيهه بالعِـشْت اوفگــر
بالأبـره يحـْفـُرلـه گــبـُـر
ثـعـلب اوكِـل طـبـعـَـه غــدر
ابهيده من تچذب ابهيده – يـدّعـي القـشـمـَـر عـقيدَه
ايـگـولْ حامـِضْ ماأَريـدَه
------------------------
يـعـتِـقِـد يكـتِـب مِـن قِـرَه
يمشي ايـْـتِـلفــَّـت لـيوره
باچــر يجيك انت الـسره
والله ماينسه عبيده – عنب وامعفـن گصيده
ايـگـولْ حامـِضْ ماأَريـدَه
------------------------
كِـلـمـَـن اويـاكِـل نصيبـَـه
والله هـالدنيـَـه عـجـيـبـَـه
الـفِـكِـر صـايـر نهـيـبـَـه
شــوْهـَـو اخـلاق الـقـيـدَه ــ درس يوميه نعيده
ايـگـولْ حامـِضْ ماأَريـدَه
------------------------
سـطرين والـثـالث سـگـط
لـو كِـتـب رابــع يـنـشِـحط
هالـغـلـط يـكـتب بالـغـلـط
طـلـعـَـت افـلوس الـجريـده ـ اتـعيش عنـبـتـنـَـه السـعيدَه
ايـگـولْ حامـِضْ ماأَريـدَه
------------------------------
الـزلِــم راحـت يـاخـلــگ
فـرحـان حـسبالـَـه صِـدگ
عَ الـطبـلـه (عبـّـوسي) يـدگ
ياجرح خزن صديده – امـن اللــّـغـف صـايـر ونـيـدَه
ايـگـولْ حامـِضْ ماأَريـدَه
---------------------------
هلهليله هلهليله هلهليـلـه
اشـعـيـط وامـعـيط اوخـليـلـَـه
غـرگ وابـحـقـدَه اوغليـلـَـه
راحْ أَنـْشـُرْ بالجـَريـدَه – والعِـنـَـب حسبـَـه بعـيده
ايـگـولْ حامـِضْ ماأَريـدَه
---------------------------
بــيتـك يـعـيني امـن اگـزاز
بـحـجـار تِـرمـِـي اوتِـنـحاز
اشـمـدريك ! لـوچـفـنـَـك عـاز
والـچـفـَـن غـمـّـك ابـإيـدَه ـ دوم مـَـوّالك نـعـيـدَه
والـعِـنب حـامـض تِـريـدَه
--------------------------------------
كانون الثاني / 2014
سسسستوكهولم