وداعا غاليتي شمس./ حميد الموسوي

وداعا غاليتي شمس. /  حميد الموسوي   

1: غياب شمس

ظلام إوغربه وحشه ونورهه مذبوح .

الحياة بلاشمس شتسوي بيهه الروح .

مشبوگه وترافس بس تون وتنوح ..

عليله وتايهه ماتدري وين إتروح .

الشوارع فارغه...!

والناس بيهه إطوف ..!

وانه بلانظر ماشوف ...

أنه بلاصوت ..

ماأسمع حچی بس إلإجدام إدور..

إختفى نور الشمس والصوت ظل مبحوح .

شمس غابت بعد هيهات إليّ إتعود.

وبقى عزفي حزين إوأبچی وي العود.

البچي بسكوت ...ّ

بس الصده جاوبني شمس غابت ...

لاتحلم ترد إردود.

الحياة بلاشمس شتسوي بيهه الروح .

ظلمه ونورهه مذبوح ..

.............................

2:خطف مني الزمن شمسي .

عاندت الوكت ما أطيح بس ها النوبه طيحني ..

هاي إسنين دولبني بدواليبه راد إيذلني من فرني ..

بس ماگدر..هاي إسنين إعتنه إو يعتعتني ..

هاي إسنين .

عرف هاي السنه بيا كتر يطعنني ..

خطف مني ضوه إعيوني.

خطف مني الزمن شمسي !

أعترفله للزمن هالنوبه طيحني !!!!

طحت ...بس ماگدر...ماگدر ..

متوهم إيذلني .....

*******************************

حميد الموسوي السويد 2-1-20014

يوم رحيل حفيدتي شمس