سلم على الفانوس /الشاعر حمزة ثجيل
الليل يا ليلى يعاتبني .. ويقول لي سلم على الفانوس
شوية نفط للفانوس ... لمن خلص كَمنا نحوس
ارد اسال .. انه اهل اللفط
ﭸاوين حصتي من النفط
يشفطون بيه همه شفط
يعبون بالجيب فلوس
******************
بيش اشحن اللايت شحن
بالوكت صافن ممتحن
والله ينايب ما تحن
فوﮚ الذهب تسحـﮛ دوس
على كرسي ﮜاعد ما دره
منهو الدرس منهو القره
يا ناس صارت جرجره
صارت الزيد وعبوس
***************
كيفنه من طاح الصنم
ﮜلنه الشعب يشبع لحم
تحزمو عل البوﮚ وهدم
صدﮜوني مِلتْ هندوس
****************
مِله تحير يا ناس
فاس وﮜﻊ فوﮚ الراس
من اسياده بنص تكساس
بحرمانه ينول الكوس
****************
بذلا لنه يأخذ شكر
من اهل الخباثه والمكر
ما يفيدهم هذا العذر
لا بد يـﮁﯥ يوم .. وتطخ هاي الروس
شوية نفط للفانوس .. لمن خلص ﮜمنا نحوس
***********************************
لا بد تطخ اعله الـﮝاع
مو ارضي ممليه اسباع
منهم عرا ومنهم جاع
مسكين شعبي المنحوس
شويه نفط للفانوس
لمن خلص ﮜمنا نحوس
******************
ميفيد اصلا كل عذر
من الكاتم انته اخذ الحذر
كل يوم يمك بيه خطر
ومن الغدر اخذ دروس
شويه نفط للفانوس .. لمن خلص ﮜمنا نحوس
فانوس واحنا بيا قرن ..؟؟
زمن السرعة والسنن ...!!
خليك من تجي مرن
الناس صعدت للـﮝمر
يللي ما تصنع موس
شويه نفط للفانوس .. لمن خلص ﮜمنا نحوس