الحزن يجب أن يكون .. -2 / عبد الرضا حمد جاسم
نشرنا الجزء الاول الرابط
http://www.yanabe3aliraq.com/index.php/mqalat/8165-2013-10-31-07-30-32
مع الأسف....
عن البشر نختلف
....نزعل عله ارواحنه
وعله كلشي نختنكَ...ونتأفأف
أونتحسر
الناس...تفرح تنشرح تركَص تغني وتدكَ
وتبحث عله ومضت فرح بالحزن لو مره بيها يمر
أحنه...أفراحنا نحولها حزن...ونرتاح من أنون
وع الحزن....بفراحنا أنصر
بختله نفرح وبخجل
وبالسر... نكتب قصايد شعر
متناقضة ويه السياق أو ويه روح العصر
نتكلم أحنه ع الفرح... أوأله ندّعي ننتظر
وهو يمنه وعلينه يفتر
ويتمنه مره... عله بالنه يخطر
أو لو مره ع الفرح ننجبر
يبين علينه.. مثل واحد مضطر
للأسف...
ما تعودنه ع لفرح من الزغر
ونعيش بفرح ما نكَدر
ولو صدفه مر...
بيه نشعر
نضايقه بلا قصد....ونقابله بلا ود
بأقسى تعابير وتقاسيم أو صور...
ونْعصره عصر
بالفرح نرتاح من نسمع المنكوب
.. ونركَص وي يا حريمه...
و ننتشي باهات ياس خضر
أحنه...ما نهتم بلحظات الفرح
ولا عليها ندّور
ولا ألهن أحنه نستعد ونحَّضر
ولا بيهن نشارك لوعلينه مرن..
وما نعرف عن فرحنه نعبر
اليركَص بعرسه مُنْتَقَدْ
وبعرس أخوه خفيف وقشمر
واليركَص للوطن...للحب مو رجل مُعْتَبَرْ
وما عنده شخصيه وما مقدر
تكَله أحنه بفرح مو كل يوم يتكرر
يكَول... لازم متزن تكّعد.. وما تضحك هوايه.. ولا تكشر
هذا بالفرح...جا بالحزن شنسوي...شنقرر
نشكَ العلينه و ننحب أو نلطم
و نذب دهر
مات فلان...نزعل...نحزن أو نتكدر
هذا طبيعي و مقبول و مقَّدر
بس مو طبيعي كل يوم لنفس القوانه نكرر
ألي سوه البشر
حسب هوايه آيات أو سور
لو مات واحد أبد ما ينقهر..
..............................
الى اللقاء في الجزء الثالث